Abdul Qadir Mulla Shaheed

Zeeshan Rehman — Fri, 31 May 2024 07:20:15 +0000

ہندستان سے پاکستان ، اور پاکستان سے بنگلہ دیش کا سفر : ہمارے لیے دینی، سیاسی اور سماجی سطح پر ایک سبق آموز درس ہے، جس میں عبرت کا سامان بھی ہے اور توبہ کا دروازہ بھی۔
عبدالقادر ملا، اللہ کی غلامی میں زندگی بسر کرنے والے وہ خوش نصیب ہیں، جنھیں شہادت نے ابدی زندگی عطا کی۔ ان کی شہادت میں بہت سے حیات افروز پیغام ہیں۔ تاہم، یہ پیغام ہر گز نہیں ہے کہ ان کی مظلومانہ شہادت کا محض تذکرہ کر کے زندگی کی رنگینیوں میں گم ہوا جائے، بلکہ اصل پیغام یہی ہے کہ کلمہ طیبہ کے ایمانی، عملی اور تربیتی تقاضوں کو سمجھا جائے۔
شہید عبدالقادر مُلّا نے اپنی زندگی راہ حق میں قربان کر کے آنے والی نسلوں کے لیے روشن چراغ بلند کر دیا۔ یہ کتاب، شہید کے تذکرے سے معمور ہے۔ درجنوں دانش وروں نے اس کرب ناک واقعے اور مظلومانہ شہادت کے دکھ کو اپنے اپنے انداز سے تحریر میں سمو دیا ہے۔ اس اندازِ تکلم میں اللہ کے لیے محبت کا سمندر موج زن ہے۔ دیکھا جائے تو ان میں سے کسی کا بھی عبدالقادر شہید سے رنگ، نسل، زبان کا کوئی تعلق نہیں ، مگر ایمان کے مضبوط رشتے نے دل کے تاروں کو یوں جھنجوڑا کہ جس کا ارتعاش پڑھنے والوں کو ہر سطر میں محسوس ہوگا۔
یہ تحریریں پاکستان کی تاریخ کے ایک نازک موڑ کی نشاندہی نا صرف نشاندہی کرتی ہیں بلکہ درست منزل کی سمت بھی بتاتی ہیں۔ بلاشبہ یہ نثر پارے فکری نمو میں اہم کردار ادا کر سکتے ہیں۔

The post Abdul Qadir Mulla Shaheed appeared first on Manshurat.

Abdul Qadir Mulla Shaheed Archives - Manshurat

Abdul Qadir Mulla Shaheed