کتاب “جلالِ نبوی” نبی اکرم ﷺ کی عظمت اور شانِ جلالی کو نمایاں کرتی ہے، جو آپ ﷺ کی حیاتِ مبارکہ کا ایک اہم پہلو ہے۔ اللہ تعالیٰ نے آپ ﷺ کو تمام جہانوں کے لیے رحمت بنا کر بھیجا، اور آپ کی رحمت انسانی زندگی کے ہر پہلو پر محیط ہے۔ اس رحمت کا ایک رخ آپ ﷺ کی کرم نوازی اور دل کی نرمی ہے، جسے “جمالِ رحمت” کہا جا سکتا ہے، جبکہ دوسرا رخ اعمالِ بد پر گرفت اور اظہارِ ناراضی ہے، جسے “جلالِ رحمت” کہا جاتا ہے۔ آپ ﷺ کا جمال اور جلال دونوں انسانوں کے لیے باعثِ رحمت ہیں۔