کتابچہ “مؤثر” کی تعریف بھی واضح کرتا ہے: کوئی تنظیم اسی وقت مؤثر کہلائے گی جب وہ اپنے مقصد کے حصول میں تیزی، تسلسل اور نمایاں پیش رفت دکھائے۔ محض ڈھانچے، دفاتر اور عہدے دار ہونے سے تنظیم مؤثر نہیں بن جاتی، جب تک کہ وہ اپنے نصب العین کی طرف واضح اور تیز رفتار پیش قدمی نہ کرے۔

اس میں تنظیم کی دو اقسام بیان کی گئی ہیں:

Maintenance تنظیم — جو صرف موجودہ نظام کو برقرار رکھتی ہے، جیسے اسکول، مساجد یا دیگر ادارے جن کا مقصد تسلسل قائم رکھنا ہو۔

Development یا تحریکی تنظیم — جو آگے بڑھتی ہے، ارتقا اور نشوونما پیدا کرتی ہے، اور مقصد کے حصول کے لیے مسلسل پیش رفت کرتی ہے۔

تحریکی تنظیم کا اصل کام صرف اپنا وجود قائم رکھنا نہیں بلکہ مقصد کی طرف بڑھنا ہے۔ اگر وہ صرف اپنا ڈھانچہ بچانے میں لگ جائے تو وہ تحریک نہیں رہتی بلکہ ایک جامد ادارہ بن جاتی ہے۔

کتابچے کے آخر میں اس سوال پر توجہ دی گئی ہے کہ موجودہ تنظیم کو کس طرح زیادہ مؤثر بنایا جا سکتا ہے۔ مصنف اس کے لیے کئی پہلوؤں اور اصولوں کی طرف اشارہ کرتا ہے، اور ابتدائی سطح پر اپنائے جانے والے بنیادی اصول پیش کرتا ہے تاکہ تنظیم اپنی اصل روح یعنی تحریک، ارتقا اور مقصد کے حصول کی جدوجہد کو جاری رکھ سکے

The post Moassar Tanzeem appeared first on Manshurat.