یہ کتاب سیدھی، سادہ اور شیرین زبان میں نوجوانوں کو اسلام سے قریب کرتی ہے۔ اس میں ایسے خیالات اور اقوال درج ہیں جو نوخیز ذہنوں کو جھنجھوڑ دیتے ہیں اور انہیں اپنی زندگی کی ہر رمق دین کی سربلندی کے لیے وقف کرنے پر آمادہ کرتے ہیں۔ خرم مرادؒ کا اعجاز یہی تھا کہ وہ مشکل سے مشکل بات کو بھی اس انداز میں بیان کرتے کہ قاری کے دل میں اتر جائے اور اس کی زندگی کا حصہ بن جائے۔

’’سچی بات‘‘ محض ایک کتاب نہیں بلکہ ایک روحانی وراثت ہے۔ یہ وہ تحفہ ہے جو ہر باپ اپنے بیٹے کو، اور ہر رہنما اپنی نسلِ نو کو دین کی روشنی میں راہنمائی کے طور پر پیش کر سکتا ہے۔ اس میں وہ فکری اور روحانی غذا موجود ہے جو ایک مسلمان نوجوان کو اپنی زندگی کی سمت درست کرنے اور اسلام کے ساتھ دائمی وابستگی اختیار کرنے کے لیے درکار ہے

The post Sachi Baat appeared first on Manshurat.