Description
اسلام کی اجتماعیت محض قانونی نہیں، بلکہ دلوں کی اجتماعیت ہے۔ یہ اتحاد محض ظاہری نہیں، بلکہ باطن میں بھی عزم، محبت، اور ایثار پر مبنی ہے۔ اسلام نے اجتماعیت کی بنیاد ایمان اور محبت پر رکھی ہے، جو مشکل حالات میں بھی مضبوط رہتی ہے۔”کارکنوں کے باہمی تعلقات” محترم خرم مراد کی ایک اہم تحریر ہے جو پہلی بار جنوری 1957ء میں ترجمان القرآن میں شائع ہوئی۔ اس کتاب کو سب سے پہلے چودھری غلام محمد مرحوم کے اشاعتی ادارے “مکتبہ چراغِ راہ” نے کتابی شکل میں پیش کیا۔ بعد ازاں اس کا ترجمہ بنگلہ، پشتو، اور فارسی زبانوں میں بھی کیا گیا۔
یہ کتاب بنیادی طور پر اسلامی جمعیت طلبہ کے لیے تحریر کی گئی تھی، مگر اس کی رہنمائی ہر اس تنظیم اور معاشرتی افراد کے لیے ہے جو اسلام کے لیے کام کر رہے ہیں۔ اس کی بنیاد قرآن مجید کی آیات اور احادیث نبویﷺ پر استوار ہے۔
یہ کتاب طویل عرصے سے مقبولیت حاصل کیے ہوئے ہے اور اب منشورات اسے بہتر معیار پر دوبارہ شائع کر رہا ہے۔ امید کی جاتی ہے کہ اس کی افادیت، تاثیر، اور مقبولیت میں مزید اضافہ ہوگا.
Reviews
There are no reviews yet.